SubayBAYANI Award-Exemplar. Napili ti gobierno probinsial ti Ilocos Sur a maysa kadagiti nakagun-od iti SubayBAYANI Award-Exemplar nga impaay ti Department of Interior and Local Government (DILG) National Office iti seremonia ti 2024 National SubayBAYANI Awards a naangay iti Sequoia Hotel itoy a siudad idi Disiembre 3, 2024. Inawat ni Gobernador Jeremias “Jerry” Singson ti tropeo ti pammigbig, kaduana da DILG Ilocos Sur Provincial Director Randy De la Rosa (kanawan) ken OIC Provincial Engineer Leonard Pascua (kanigid). Isaysayangkat ti DILG ti SubayBAYANI Awards tapno mabigbig dagiti local government unit a nangirugi iti panagbalbaliw iti pannakamanehar ken pannaka-monitor dagiti proyekto nga impraestruktura ken ti napateg nga akem dagiti daulo ti LGUs iti pannakaitandudo ti pagsayaatan dagiti umili iti masakupanda. (Teksto: Mancielito S. Tacadena/Ladawan: Pammadayaw ti Opisina ti Gobernador ti Ilocos Sur)
