Dandanin maipaulog ti singasing a pannakaitantan ti umuna a Bangsamoro Autonomous Region in Muslim Mindanao (BARMM) Election manipud iti Mayo 12, 2025, maipan iti Mayo 11, 2026.
Itay Disiembre 9, inanamongan ti Kamara ti House Bill (HB) No. 11144 iti maikadua a pannakaibasana iti plenario.
Insingasing ni Diputado ti Basilan Mujiv Hataman a mainayon ti termino nga "automated election" ken ti baro a seksion nga agkunkuna nga "Ipaay ti turay ti BARMM ti bingay ti probinisa ti Sulu iti tinawen a block grant manipud iti nailian a gobierno para iti pannakaipatungpal kadagiti programana inton 2025.
Inawat ni Diputado Zia Alonto Adiong (Lanao del Sur 1st district) ken ti mayoria dayta a singasing ni Hataman, a mangamendar iti Section 13, Article XVI of Republic Act (RA) No. 11054 wenno ti Bangsamoro Organic Law.
Pannakapapatay babaen ti firing squad dagiti managkunniber nga opisial ti gobierno, indagadag ti maysa a diputado
Naidatag ti singasing a pannakaitantan ti BARMM elections inton 2026 gapu iti pangngeddeng ti Korte Suprema idi Septiembre a nangilaksid iti Sulu kas paset ti BARMM, ket indeklarar ti SC a pinal ti pangngeddengna idi Nobiembre 26. (Dexter Barro II/Manila Bulletin//Lito Hilidon/Bannawag)
