Inawat ni Kevin Quiambao ti De La Salle University ti maikadua nga agsaruno nga MVP iti liga ti basketbol dagiti lallaki iti Season 87 ti University Athletic Association of the Philippines (UAAP) sakbay ti Game 2 ti finals iti Mall of Asia Arena idi Miekoles, Disiembre 11.
Malaksid iti daytoy, karaman ni Quiambao iti Mythical Five a pakairamanan ti teammate-na a ni Mike Phillips, JD Cagulangan ti UP, Nic Cabanero ti UST, ken Mo Konateh ti FEU a nangyalat pay iti Best Rebounder award.
Inyalat met ni Veejay Pre ti FEU ti Rookie of the Year award.
Iti sabali a bangir, inatiw ti De La Salle Green Archers a team ni Quiambao ti University of the Philippines Fighting Maroons iti Game 2 babaen ti iskor a 76-75.
Mayawiden ti bangkay ti napapatay a Filipina iti Slovenia, segun iti DFA
Sakbayna, nangabak ti UP babaen ti iskor a 73-65 idi Domingo, Disiembre 8.
Maangay ti Game 3 a pakadesidiran ti kampeon inton Domingo, Disiembre 15, iti Smart Araneta Coliseum iti Cubao, Quezon City. (AST/Bannawag)
