Impakaammo ti Department of Public Works and Highways (DPWH) ita nga aldaw, Disiemre 13, nga agtalianed a nakaserra ti Cauplasan Bridge iti Ilocos Norte-Apayao Road agingga iti Enero 31, 2025 gapu iti di napakpakadaan a pannakaitantan iti pannakatarimaan daytoy.
Inlawlawag ti DPWH a saan latta a mabalin a pagnaan dagiti nadadagsen a lugan ti 50-ti tawennan a rangtay ngem mabalin dagiti lugan nga agingga iti innem a tonelada ti dagsenda.
Nupay kasta, saan nga imbaga ti DPWH ti makaigapu iti pannakaitantan ti pannakatarimaan ti rangtay.
Mabalakadan dagiti addaan iti lugan a nadagdagsen a mapan iti Solsona a magnada iti sabali a dalan, pakairamanan ti Sarrat Bridge, C-5 Road, ken ti Laoag-Sarrat-Piddig-Solsona Road.
Kapitan ti barangay iti Isabela, pinaltoganna ti maysa a mannalon
Pinonduan ti DPWH iti PhP5 a milion ti pannakatarimaan ti rangtay, ken sinuportaran ni Senadora Imee Marcos ken ti gobierno probinsial ti Ilocos Norte. (Trixee Rosel/Manila Bulletin//Lito Bannawag)
