Nalmes ti maysa a US Marine iti baybay ti Sitio Suyo, Barangay Baruyen iti Bangui, Ilocos Norte itay Disiembre 20.

Nabigbig ti biktima a ni Corporal Edmond Zhu, 20.

Kinuna ni Police Staff Sgt. Dominic Tangliben a maibatay iti imbestigasion, napan naglangoy ti biktima ken ti kaduana a ni Corporal Isaac Torres iti nasao a lugar a dida impakpakada kadagiti kakaduada, nupay binallagaan ida dagiti kakaduada a Filipino.

Saan a natalged ti baybay gapu iti napipigsa a dalluyon.

Lokal

ITI BENGUET: Flood protection project iti Ballili River iti La Trinidad, nalpasen

Nagpaarayat ni Torres idi makitana nga inyanud ti dalluyon ni Zhu.

Naalawda ti biktima ket intarayda iti ospital, ngem naideklarar idiay a natayen daytoy. (Freddie Lazaro/Manila Bulletin//Lito Hilidon/Bannawag)