PINUKPUK, Kalinga— Dua nga estudiante iti kolehio manipud iti Cagayan ti nalmes iti karayan sadiay Sitio Buntoc, Barangay Aciga, itoy nga ili idi malem ti Sabado, Disiembre 21.
Binigbig dagiti polis dagiti biktima a da Renz Cherlxon T. Mangulad, 20-anios ken Mark Denver Bunagan, 18-anyos.
Segun iti imbestigasion, nagpasiar dagiti biktima ken kakaduada iti maysa a tourist attraction iti nasao a lugar.
Linangoy a binaliw dagiti biktima ti karayan, ngem idi agsublida, nayanudda iti napigsa nga ayus ti karayan a pinarnuay ti tudo ket nalmesda. Pinadas dagiti kakaduada nga isalakan ida ngem napaayda.
LTO, inkarina nga addanton plaka dagiti amin a traysikel agingga iti Abril 30
Nagpatulongda kadagiti umili ket nasarakanda dagiti biktima iti baba. Naitaray dagiti biktima iti ospital ket sadiay a nakaideklarar a nataydan.
Agtultuloy ti follow-up investigation dagiti polis.
(Freddie Lazaro/Manila Bulletin)
