Tallopulo ket innem a pamilia ti napukawan iti pagtaengan gapu iti uram iti Riverside Compound, Barangay Camp 6, Tuba, Benguet, iti iseserrek ti baro a tawen.
Aganay a sangagasut limapulo ket lima nga agnanaed iti 24 a balay ti naapektaran ti uram a nangrugi iti ala una iti bigat.
Nakiuman ni Mayor Benjamin Magalong ti Siudad ti Baguio, acting chairperson ti Metropolitan Baguio-La Trinidad-Itogon-Sablan-Tuba-Tublay Development Authority, iti Tuba Municipal Disaster Risk Reduction and Management Council nga idauluan ni Mayor Clarita Sal-ongan para iti pannakaipaay ti tulong kadagiti biktima.
Pinasiar pay ni Magalong dagiti naapektaran a pamilia—a nakaawat iti tulong manipud iti Baguio City Disaster Risk Reduction and Management Office.
Kapitan ti barangay iti Isabela, pinaltoganna ti maysa a mannalon
Agyan pay laeng dagiti naapektaran a pamilia iti Camp 6 Elementary School ken Barangay Camp 4 Multi-purpose hall.
Nagyaman met ni Magalong iti Baguio City Fire Station, kadagiti maseknan iti pannakaidanon ti danum, ken kadagiti local disaster response team iti tulongda iti Tuba Fire Station.
Madama pay laeng nga am-ammuenda ti makaigapu iti uram ken ti kaadu ti nadadael.
Kadagiti mayat a mangipaay iti tulong kadagiti apektado iti uram, mabalinda ti mapan iti Camp 6 jeepney terminal ken staging area iti Baguio City ket sadiay a maalada a maipan kadagiti umawat iti Camp 6.
(Zaldy Comanda/Manila Bulletin)
