Iti laksid ti pannakaigangganetget ti integration ti AI (artificial intelligence), adda pay la rikrikutna a mangadaptar iti teknolohia ti AI dagiti lokal a negosio, nangruna dagiti micro, small, and medium enterprise (MSME), gapu kadagiti makalapped a pakaseknan kas iti imprasetruktura, pannakaammo, ken pondo.
Maibasar iti nabiit pay a panagadal nga insayangkat ti Philippine Institute for Development Studies (PIDS), idinto nga inwayat ti gobierno dagiti komprehensibo nga estratehia tapno maitandudo ti panangadaptar iti AI, a pakairamanan ti 2021 National AI Strategy Roadmap ken ti pannakaipasdek ti Center for AI Research, nababa pay laeng ti aktual a bilang ti panagadaptar dagiti negosio.
Segun iti nasao a panagadal, "adda pay laeng kadagiti damdamo a tukad ti AI-specific adoption iti Filipinas." Nadakamat daytoy a 14.9 a porsiento laeng kadagiti negosio ti agus-usar kadagiti teknolohia ti AI manipud idi 2021.
Kaaduanna a dagitoy a panagkurkurang iti panagadaptar, maigapu kadagiti dakkel a lapped. Napaliiw ti panagadal ti limitado a digital infrastructure, nangnangruna kadagiti
Mayawiden ti bangkay ti napapatay a Filipina iti Slovenia, segun iti DFA
Adu met nga MSME ti awanan iti pannakaammo (awareness) iti AI ken dagiti mabalin nga aplikasionna kadagiti negosioda. Naduktalan ti panagadal a “maysa laeng iti kada lima a kompania ti mangipakpakita iti kinapamiliar [kadagiti teknolohia ti AI],” ket nangipaganetget ti pannakasapul iti dakdakkel a pannakaammo ken pannakaedukar ti publiko.
Maysa pay a kangrunaan a lapped ti kinakurang dagiti funding opportunities. Napaliiw ti panagadal a ti Filipinas ket addaan iti nababa nga iskor a 6.00 iti Venture Capital Availability, isu a narigat para kadagiti negosio a mangsigurado iti kasapulan a kapital para kadagiti panagpuonan iti AI.
Impakdaar ti panagadal a"dagitoy a lapped ket ad-adda pakaruen babaen dagiti rehional a panagduduma iti digital nga impraestruktura ken aktibidad ti negosio, a mangpartuat ti siklo a dagiti saan unay a narang-ay a rehion ket ad-adda a mabati iti teknolohikal a panagadaptar."
Insingasing ti panagadal a kasapulan nga ad-adda nga aktibo ti akem ti gobierno iti panangtaming kadagitoy a lapped. Insingasingna ti panangpalawa iti broadband connectivity nangruna kadagiti saan unay a nmadadanon ti koneksion a lugar, ken panagpuonan kadagiti data center ken pasilidad ti cloud computing.
Tapno mataming ti kinakurang ti pannakaammo, insingasing ti panagadal ti dakdakkel a panagtitinnulong ti gobierno, industria, ken dagiti institusion ti edukasion tapno masigurado a maitunos dagiti programa iti merkado ti trabaho nga iturturong ti AI.
Insingasing pay ti panagadal a masapul a mangestablisar ti gobierno dagiti nalawag a pagannurotan iti AI ethics, data privacy, ken algorithmic transparency tapno maitandudo ti panagtalek ti publiko ken masuportaran ti innovation
"Imbes a ti direkta a panangipaay ti gobierno kadagiti serbisio ti AI," inrekomendar ti panagadal a "ti pokus ket rumbeng nga adda iti panagpartuat kadagiti framework a mangipakat iti innovation iti pribado a sektor kabayatan ti pannakasigurado iti pagimbagan ti publiko." (MANILA BULLETIN)
