Mangisayangkat iti tsunami drill ita a bulan ti ili iti igid ti baybay a Santa Catalina iti Ilocos Sur.
Segun iti Santa Catalina Municipal Disaster Risk Reduction and Management Office, maangay ti nasao a drill tapno maammuan dagiti umili no ania ti aramidenda no ag-tsunami kalpasan ti maysa a magnitude-8 a ginggined.
Impakaammo ti gobierno munisipal ti ruta nga agturong iti tallo nga evacuation center iti asideg a Vigan City ken Bantay – ti Bantay Arcade iti ili ti Bantay ken ti Quirino Stadium ken Farmers Livelihood Development Center iti Vigan City.
Uppat a barangay iti igid ti baybay iti Santa Catalina, ti Cabittaogan, Subec, Paratong, ken Tamorong dagiti mabalin a nakaro a maapektaran no adda tsunami.
Kapitan ti barangay iti Isabela, pinaltoganna ti maysa a mannalon
Nairekord ti agsasaruno a ginggined iti baybay ti Santa Catalina kadagiti napalabas nga aldaw. (Tristan Alonzo/MB)
