Impakaammo ti Simbaan ti Quiapo a mangrugi iti Enero 2025, saanen a maawagan ti imahe ti Black Nazarene iti "Itim na Poong Hesus Nazareno" (Apo a Nangisit a Nazareno) no di ket maawagan laengen iti "Poong Hesus Nazareno (Apo Jesus Nazareno)
Inlawlawag dagiti opisial ti simbaan a naibatay ti desisionda kadagiti historikal a konsiderasion.
Kinunada a saan pay a nalawag ti nagtaudan ti termino a "Nangisit a Nazareno", ken kayat ti Simbaan a padayawan ti pudno a nagan ni Apo Jesus babaen ti panangikkatna iti balikas a "Nangisit" ken agsubli iti orihinal a "Poong Hesus Nazareno."
Kabayatanna, maawagan met ti Simbaan ti Quiapo a kas Basilika Menor iat Pambansang Dambana ni Jesus Nazareno (Minor Basilica and National Shrine of Jesus Nazarene).
Pannakapapatay babaen ti firing squad dagiti managkunniber nga opisial ti gobierno, indagadag ti maysa a diputado
Kinunada a paset daytoy ti nalawlawa a panangisayangkat a mangpauneg iti koneksion dagiti deboto iti imahe, nga agpada a mangipamatmat iti panagraem iti pigura ni Kristo ken panagraem iti historikal ken naespirituan a kaipapanan daytoy.
Naiwayat ti pannakabalbaliw ti nagan sakbay la unay ti 2025 Feast of Jesus Nazarene, maysa kadagiti matagtagiuray unay a narelihiosuan nga aktibidad iti pagilian. (Diann Ivy C. Calucin/MB)
