Pinatalgedan ti Philippine Atmospheric, Geophysical and Astronomical Services Administration (PAGASA) itay Lunes, Enero 6, a nabukel ti La Niña iti Pacific Ocean, a mangipasimudaag iti posible a panagbalbaliw ti panawen a mangapektar iti pagilian iti umuna a paset ti 2025.
Inlawlawag ti PAGASA nga agtultuloy ti nalamlamiis ngem iti gagangayna a temperatura ti rabaw ti baybay iti Pacific Ocean a nangrugi idi Septiembre 2024 ken naan-anay a nangitunda iti kasasaad ti La Niña idi Disiembre 2024.
Segun iti PAGASA, posible nga agtultuloy ti La Niña Phenomenon manipud iti Enero agingga iti Marso itoy a tawen, ket apektaranna ti panagtudo ken panaggaraw dagiti bagyo.
Bayat ti kaadda ti La Niña, manamnama ti nakarkaro ngem ti gagangayna a tudo a mangpataud iti napeggad a panaglayus, kellaat a panaglayus, ken panagreggaay ti daga gapu iti tudo iti dadduma a rehion.
Mayawiden ti bangkay ti napapatay a Filipina iti Slovenia, segun iti DFA
Mabalin nga umadu pay ti bagyo a sumrek iti Philippine Area of Responsibility (PAR).
Gapu kadagitoy a pagpeggadan, indagadag ti PAGASA iti publiko ken kadagiti ahensia ti gobierno a paliweenda a naimbag ti kasasaad ti panawen. (Ellalyn De Vera-Ruiz/Manila Bulletin//Lito Hilidon/Bannawag)
