Impeksa ti gobierno probinsial ti Ilocos Sur ti pannakipagladingit ti sibubukel a probinsia iti ipupusay ti dati nga ama ti probinsia, ni Deogracias “DV” Savellano.
Pimmusay ni Savellano iti edadna a 65 itoy nga aldaw, Enero 7, Martes, bayat nga agpapaay nga Undersecretary ti Department of Agriculture.
"Dios unay ti agngina for the life-long devotion and commitment to public service," kinuna ti gobierno probinsial iti maysa a Facebook post.
Naipasngay ni Savellano idi Nov. 25, 1959, nagpaay a congressman manipud idi 2016 agingga idi 2022. Nagpaay a House deputy speaker manipud idi 2019 agingga idi 2022.
Kapitan ti barangay iti Isabela, pinaltoganna ti maysa a mannalon
Idi 2023, dinutokan ni Presidente Ferdinand R. Marcos Jr. nga agpaay iti Department of Agriculture.
Kas Agriculture Undersecretary, ni Savellano ti oversight official ti National Tobacco Administration ken presiding official ti NTA Governing Board.
Impeksa met ti NTA iti pannakipagladingitna iti ipupusay ni Savellano a nagkunaanna a dakkel ti naitulong ni Savellano iti pannakaitag-ay ti biag dagiti agmulmula iti tabako iti pagilian.
Ni actress Dina Bonnevie ti kaingungot ti dati a gobernador. (Tristan Lozano/ Manila Bulletin)
