Impeksa ni Presidente Ferdinand Marcos Jr. ti panagyamanna iti United Arab Emirates (UAE) iti pannakapakawan ti 220 a Filipino a naibalud gapu iti nadumaduma a panaglabsing.
Iti maysa a video idi Enero 6, nagyaman ni Marcos kada Presidente Sheikh Mohamed bin Zayed Al Nahyan ken Prime Minister Sheikh Mohammed bin Rashid Al Maktoum iti kinamanangngaasida kadagiti Filipino a nakaaramid iti nadumaduma a panaglabsing iti pagilianda.
Naaramid daytoy bayat ti panangrambak iti maika-53 a National Day ti UAE idi Disiembre 2, 2024.
Kinuna ni Marcos a maiprosproseson dagiti dokumento dagiti napakawan a Filipino tapno agawiddan, ket inanamaenna ti natalged a panagsublida iti pagilian.
Mayawiden ti bangkay ti napapatay a Filipina iti Slovenia, segun iti DFA
Innayon ni Marcos a maysa daytoy a pammaneknek iti natibker a panaggayyem dagiti dua a pagilian. (Betheena Unite/Manila Bulletin//Lito Hilidon/Bannawag)
