Dinepensaan ni Direktor Darryl Yap ti teaser video ti mapadpadaanan a pelikulana a “The Rapists of Pepsi Paloma” kalpasan a nangipila ti TV host ken aktor a ni Vic Sotto iti cyber libel a reklamo kontra kenkuana.
Nadakamat ti nagan ni Sotto iti nasao a teaser ti pelikula, nga isu ti nakaibatayan ti 19 a counts ti cyber libel nga impila ni Sotto maibusor ken ni Yap iti Muntinlupa Prosecutor’s Office idi Enero 9, 2025.
“I am executing this Complaint-Affidavit to charge respondent Darryl Ray Spyke B. Yap (‘Yap’) with nineteen (19) counts of Cyber Libel, consisting of multiple violations of Section 4(c)(4) of Republic-Act No. 10175 or the Cybercrime Prevention Act of 2012 in relation to Articles 353 and 355 of the Revised Penal Code, for willfully and deliberately posting several public, malicious and defamatory statements in respondent Yap's Facebook pages tending to cause dishonor and damage to my reputation,” kinuna ni Sotto iti complaint-affidavit-na.
Kalpasan a naipila ti reklamo, imbatad ti abogado ni Sotto a ni Atty. Enrique Dela Cruz Jr. iti media a “42 years ago pa natapos. Lilinawin ko lang po ah: wala po rape. Hindi po totoong rapist ang aming kliyente. Hindi ho totoo itong rape na ito. Gawa-gawa lang po itong kwento na ito.”
Mayawiden ti bangkay ti napapatay a Filipina iti Slovenia, segun iti DFA
Ti dakdakamaten ni Dela Cruz ket idi 1982, nga inakusaran ni Paloma (a Delia Smith ti pudno a naganna) ni Sotto ken dua pay a kakaduana a mapapati a nangrames kenkuana. Idi agangay, nagpirma met laeng ni Paloma iti affidavit of desistance (panangisanud iti darum). Pimmusay ni Paloma idi 1985 (mapapati a kinettelna ti bukodna a biag babaen ti panagbekkelna).
Nagpaskil iti Facebook ni Yap idi Enero 9 ket dinepensaanna ti teaser video ti pelikulana, a kunana, kas sungbatna iti imbatad ni Dela Cruz: “Napakalinaw. Napakalinaw naman ng teaser, maging ng caption nito. Nagsampa, Inurong, Lumaban, Bumawi. BAKIT? at sino bang nagsabi na ang tinutukoy ng title ng pelikula kong #TROPP #TROPP2025 The Rapists of #PepsiPaloma ay ang kliyente mo? Kayo lang.”
Bida iti nasao a pelikula ni aktres a Rhed Bustamante kas Paloma, Gina Alajar kas Charito Solis, Mon Confiado kas manager ni Paloma a ni Rey Dela Cruz, Rosanna Roces kas Divina Valencia, Andres Balano Jr. kas Richie D’Horsie, ken Shamaine Buencamino kas Lydia Duena Whitley, ti ina ni Paloma.
Iti complaint-affidavit nga impilana iti prosecutor's office, kinuna ni Sotto nga "iti laksid ti pannakaammona a ti kaso a kriminal nga impila ni Pepsi Paloma a maibusor kaniak ket na-dismiss, nangaramid ti respondent iti teaser video iti wagas a nalawag a mangitudtudo kaniak a kas maipagarup a nangrames ken ni Pepsi Paloma."
Iti trailer ti pelikula a nairuar idi Enero 1, mabuya ni Charito Solis (Alajar) ken ni Pepsi Paloma (Bustamante) a nagkuna iti "Ipaliwanag mo sa akin! Magsabi ka sa akin! Ipaliwanag mo... Dahil hindi ko naiintindihan! Pepsi, sumagot ka! Ni-rape ka ba ni Vic Sotto?"
Inyikis ni Paloma: "Oo!"
Addaan met ti nasao a film trailer iti caption, iti pannakaipaskilna iti Facebook: “LABAN O BAWI. Teaser 1 Inakusahan ng Rape ni Pepsi Paloma si Vic Sotto atbp; subalit makalipas ang ilang kaganapan ay inurong nito ang demanda. Bakit? Abangan si Rhed Bustamante bilang PEPSI PALOMA. THE RAPISTS OF PEPSI PALOMA. CINEMAS 2025. #TROPP #TROPP2025”
Kinuna pay ni Sotto iti complaint-affidavit-na a “due to the malicious and defamatory posts made by respondents, I have been subjected and continue to be subjected to public ridicule and contempt. The social humiliation have caused me to suffer mental anguish and serious anxiety due to my tarnished reputation and destroyed credibility.”
Kidkiddawen ni Sotto ti moral damages a di kumurang a PhP20 a milion ken exemplary damages a di kumurang a PhP15 a milion manipud ken ni Yap. (Jonathan Hicap/MB)
