Inruaren ti Waterbomb Manila ti kompleto a listaan dagiti maitampok nga artist iti maangay a water festival ditoy pagilian inton Pebrero 22 ken 23 iti Quirino Grandstand iti Rizal Park (Luneta).

Ti Waterbomb ket maysa nga annual summer music festival nga inorganisar ti Volume Unit Entertainment. Nangrugi idiay Seoul, South Korea idi 2015, maitampok ditoy dagiti nagduduma a sala, musika ken art performances dagiti artist manipud iti nadumaduma a pagilian ngem maipangruna ti K-pop, hip-hop ken EDM.
Addan immuna a listaan nga inruar ti Waterbomb Manila, ngem idi Enero 20, adda dagiti innayonda nga artist. Para iti Pebrero 22, mainayon a performer da Raiden, ZB & Ation, J.E.B, Imlay, Apro, ken Thea Astley. Ti met Aster & Neo, Mar Vista, 2Spade, Kenet, ken Bilib & Zela dagiti nainayon a performers iti Pebrero 23.




Daytoy ti kompleto a listaan dagiti performer iti Waterbomb Manila:
Para iti Pebrero 22: Chanyeol, Epik High, Dynamic Duo, Kim Jong-kook, Baekho, Hwasa, B.I, Kwon Eun-bi, Lee Cha-yeon, STAYC, DJ Roots, Raiden, ZB & Ation, J.E.B, Imlay, Apro, ken Thea Astley.
Para iti Perero 23: Jessi, Sunmi, Hyolyn, Gray, BamBam, Skull & Haha, Oh My Girl, Viviz, Kang Daniel, Reddy, Yang Se-chan, Sulreggae, U-Kwon, Insidecore, Siena Girls, Aster & Neo, Mar Vista, 2Spade, Kenet, Bilib & Zela.
(Jonathan Hicap/Manila Bulletin)