ITOGON, Benguet—Tallo ti natay ken maysa ti nasugatan iti pannakatnag ti maysa a pickup truck iti aguneg iti 100 a metro a rangkis idiay Barangay Ucab itoy nga ili idi Enero 20.
Nabigbig dagiti natay a da Charles Oplas, agtawen iti 21; Jefferson Oplas, agtawen iti 29, drayber; ken Ruvelyn Agapinan. Natay a dagus ni Charles idinto a naitaray iti ospital dagiti dua ket sadiay a naideklarar a natayen dagitoy.
Maysa pay a pasahero ti pickup, ni Luisito Bacoco, 14, ti nakalasat ken naitaray met iti ospital.
Segun iti imbestigasion, saan a nakontrol ni Jefferson ti lugan ket naidungparna iti kongkreto a barrier sa natnag iti rangkis.
La Union, kompleton iti pagibellengan iti basura
Agturong iti siudad ti Baguio dagiti biktima—agnaedda amin iti Barangay Loacan—idi mapasamak ti aksidente.
Mangisaysayangkat ti polisia iti follow-up investigation.
(Zaldy Comanda/Manila Bulletin)
