February 14, 2025

Home DAMDAMAG Nasional

Dusa dagiti nagannak a di mangsuportar iti anakda, inanamongan ti CHR

Dusa dagiti nagannak a di mangsuportar iti anakda, inanamongan ti CHR

Inyebkas ti Commission on Human Rights (CHR) ita, Enero 22, ti naan-anay a suportana iti gakat a mangdusa kadagiti nagannak a di mangipaay iti sustento kadagiti annakda.

Daytoy ti impalgak ti CHR kas sungbat iti pannakanamong ti House Bill (HB) 8987 wenno ti "Act Ensuring Child Support and Penalizing Parental Refusal or Neglect Thereof," iti Kamara.

Panggep ti HB 8987 a dusaen dagiti nagannak a saana amngipaay iti nasken a suporta para iti edukasion, taraon, kawes, ken dadduma pay a kangrunaan a kasapulan dagiti annakda.

Kinuna ti CHR a babaen ti panangipakat kadagiti dusa kadagiti saan a mangtungpal kadagiti pagrebbenganda, salakniban ti nasao a gakat ti kalintegan dagigi ubbing ken mangitandudo iti panagparbeng dagiti nagannak iti entero a pagilian.

Nasional

Pastor Quiboloy, naisublin iti Pasig City Jail

Impalagip ti CHR a karbengan dagiti nagannak nga itandudo ti pagimbagan dagiti annakda, ania man ti kasasaad, personal a kasasaad, wenno nagdumaanda.

Binigbig ti CHR daytoy a tignay dagiti mammanday-linteg iti panangitandudoda iti pagimbagan dagiti ubbing babaen ti insayangkatda a linteg.

Dinakamat ti CHR ti Article XV, Section 3(2) ti 1987 Constitution a mangmandar iti Estado a mangsalaknib iti kalintegan dagiti ubbing a maikkan iti tulong, agraman umno a pannakataripato ken nutrision, ken pannakasalaknib iti ania man a kita ti panangbaybay-ay, panagabuso, kinadamsak, pananggundaway, ken dadduma pay a kasasaad a mangdadael iti panagdakkelna. (Jeffrey Damicog/Manila Bulletin//Lito Hilidon/Bannawag)