Nalpasen ti Department of Public Works and Highways (DPWH) ti flood mitigation structure a manamnama a mangkissay iti epekto ti panagdinakkel ti danum ti Ballili River iti Tabangaoen, La Trinidad, Benguet.
Nairaman iti proyekto ti pannakaipasdek ti 712-metro a revetment wall, 266-metro nga stone masonry structure, ken 54-metro a rubble concrete gravity wall tapno maprotektaran iti layus dagiti komunidad ken establisimiento nga asideg iti nasao a karayan.
Segun ken ni DPWH-CAR Director Khadaffy D. Tanggol, naipamaysa ti proyekto iti pannakasalaknib dagiti lugar ti agrikultura ken dagiti napateg nga impraestruktura nga adda iti asideg iti igid ti karayan babaen ti pannakaaramat dagiti nalagda ken epektibo nga estruktura a panglapped iti layus.
Narugian a naobra ti proyekto idi Pebrero 2024 ken nakompleto idi Nobiembre 2024.
71 a wanted a tattao, nakemmeg iti Cordillera
Napundoan babaen ti 2024 General Appropriations Act (GAA), agpateg iti PhP86.8-milion ti proyekto ken naisayangkat baabaen ti DPWH-Benguet 1st District Engineering Office. (Manipud iti DPWH Website [https://www.dpwh.gov.ph])
