February 14, 2025

Home DAMDAMAG Nasional

Trailer ken petsa ti pannakaipabuya ti The Rapists of Pepsi Paloma, nairuar

<i>Trailer</i> ken petsa ti pannakaipabuya ti <i>The Rapists of Pepsi Paloma</i>, nairuar
Screenshot manipud iti video iti VinCentiments iti Facebook.

Inruar ni Direktor Darryl Yap online idi Enero 21 ti patalastas (trailer) ti kontrobersial a pelikulana a  The Rapists of Pepsi Paloma ket kunana a mangrugi ti pannakaipabuya daytoy kadagiti pagsinean iti entero a pagilian inton Pebrero 5.

Screenshot manipud iti video iti VinCentiments iti Facebook.
Screenshot manipud iti video iti VinCentiments iti Facebook.

Naipakita iti trailer a panglagip iti maika-40 nga anibersario ti ipapatay ni Paloma (Delia Dueñas Smith iti pudno a biag) ti pelikula. Maysa nga aktres ni Paloma idi dekada 1980 a pimmusay idi 1985 iti edad a 18. Isu ti maysa iti grupo nga aw-awaganda idi iti Softdrink Beauties.

Agparang iti The Rapists of Pepsi Paloma ni Rhed Bustamante kas Paloma, Gina Alajar kas Solis, Mon Confiado kas Rey Dela Cruz a manager ni Paloma, Rosanna Roces kas Divina Valencia, Andres Balano Jr. kas Richie D’Horsie, Shamaine Buencamino kas Lydia Duena Whitley nga ina ni Paloma, Jun Nayra kas Renato Cayetano nga abogado ni Paloma, ken ni Beverly Salviejo kas talent scout a ni Monica.

Ni Rhed Bustamante as Pepsi Paloma (Screenshot manipud iti video iti VinCentiments iti Facebook).
Ni Rhed Bustamante as Pepsi Paloma (Screenshot manipud iti video iti VinCentiments iti Facebook).
Screenshot manipud iti video iti VinCentiments iti Facebook.
Screenshot manipud iti video iti VinCentiments iti Facebook.

Saan a nadakamat iti trailer ti nagan ti TV host ken aktor a ni Vic Sotto a nangipila iti P35 milion a cyber libel complaint kontra ken ni Yap iti Muntinlupa Prosecutor’s Office idi napan nga Enero 9 gapu iti teaser video ti pelikula a nairuar idi Enero 1, a nakadakamatan ti nagan ni Sotto.

Nasional

Pastor Quiboloy, naisublin iti Pasig City Jail

Idi Enero 7, nangipila ni Sotto iti petition for writ of habeas data kontra ken ni Yap iti Muntinlupa Regional Trial Court Branch 205, a mangdawdawat iti pannakaikkat ti teaser ken dadduma pay a promotional material a nakadakamatan ti naganna.

Nagsango da Sotto ken Yap iti korte ti Muntinlupa bayat ti summary hearing para iti writ idi Enero 17. Mangipaulog ti korte iti desisionna iti las-ud ti 10 nga aldaw.

(Jonathan Hicap/Manila Bulletin)