February 14, 2025

Home DAMDAMAG Nasional

Pagannurotan iti panangala dagiti ganggannaet a mangmangged iti permit, naamendaran

Pagannurotan iti panangala dagiti ganggannaet a mangmangged iti permit, naamendaran

Inamendaran ti Department of Labor and Employment (DOLE) dagiti pagannurotan iti panangala dagiti ganggannaet a mangmangged iti permit tapno mapaalisto ti proseso ket maallukoy ti ad-adu pay a ganggannaet nga agpuonan.

Babaen ti Department Order No. 248, Series of 2025, pinaalisto ti DOLE ti panangala iti Alien Employment Permit (AEP) babaen ti pannakakissay dagiti kasapulan ken pannakapapartak ti pannakaproseso daytoy.

Maitunos dagitoy a rebision iti Executive Order No. 18, Series of 2023 nga impaulog ni Presidente Ferdinand R. Marcos Jr., nga agpanggep a mangpasayaat kadagiti negosio ken mangpapigsa iti foreign direct investments (FDIs).

Mairaman kadagiti kangrunaan a panagbaliw ti pannakapasimple ti labor market test, nga ita, maysa laengen a job posting iti nasaknap a diario ken iti PhilJobNet, ti opisial a job-matching platform ti gobierno, ti kasapulan a mangipasigurado iti naan-anay a transparency.

Nasional

Pastor Quiboloy, naisublin iti Pasig City Jail

Malaksid iti daytoy, inyalnag pay ti DOLE ti Understudy Training Program (UTP) ken Skills Development Program (SDP) tapno maipaayan dagiti trabahador a Filipino kadagiti paglaingan a mangpunno inton agangay kadagiti posision nga iggem dagiti ganggannaet.

Agtalinaed met ti Economic Needs Test (ENT) tapno maisigurado nga agalatayo laeng kadagiti ganggannaet a trabahador no awan ti sindadaan a kualipikado a Filipino.

Plano pay ti DOLE ti mangangay kadagiti konsultasion iti publiko tapno ad-adda pay a mapasayaat dagitoy a pagalagadan ken masigurado ti pannakaitunos daytoy kadagiti panagdur-as a panggep ti pagilian.

Iti napalabas a tallo a tawen, nangipaay ti DOLE iti 192,573 nga AEP kadagiti ganggannaet, banag a mangipakita a kasapulan dagiti panagbalbaliw tapno mabalanse ti iseserrek dagiti ganggannaet a trabahador ken masalakniban dagiti lokal a mangmangged.

(Trixee Rosel/Manila Bulletin)