February 14, 2025

Home DAMDAMAG Lokal

Babai, pinaltogan ti nabartek a kaarruba, natay

Babai, pinaltogan ti nabartek a kaarruba, natay

BOLINAO, Pangasinan—Maysa nga agtawen iti 42 a babai ti maipagarup a pinaltogan ti nabartek a kaarrubana bayat ti panagsinnungbatda iti Barangay Cabuyao itoy nga ili idi Huebes, Enero 23.

Binigbig ti polisia ti biktima a ni Merlisa Caigas Castil.

Segun iti imbestigasion, sinalangad ni Castil ti suspek a ni Danilo Ebelte Escala, 57, gapu iti panagpukkaw daytoy iti uneg ti compound-da.

Nangala ni Escala iti airgun ket pinaltoganna ti makanigid a mata ni Castil. Naitaray ti biktima iti Bolinao Community Hospital ket sadiay a naideklarar a natayen.

Lokal

32 ti nadunor iti aksidente iti dyip iti Kalinga

Kinemmeg dagiti polis ni Escala ken naalada ti airgun a naaramat iti insidente.

Maipasango ti suspek iti maitutop a kaso.

 (Liezle Basa Iñigo/Manila Bulletin)