Winaswas ti Quezon City Prosecutor’s Office (QCPO) ti kaso a direct assault, disobedience, ken grave coercion a naipila kontra ken ni Bise Presidente (BP) Sara Duterte, gapu iti kinakurang ti ebidensia.
Nakaala ti media ita nga aldaw, Enero 28, ti kopia ti 13-panid a resolusion a naipaulog idi Enero 17.
Maibatay iti resolusion ti QCPO, awan ti prima facie evidence a linabsing ni BP Duterte ken ni Col. Raymund Dante Petina ti Article 148 (Direct Assault), Article 151 (Disobedience to Authority) ken Article 286 (Grave Coercion), ti Revised Penal Code, isu naikeddeng a mawaswas ti kaso.
Kinuna ti resolusion nga awan uray maysa kadagiti saksi ni Plicol Villamor ti nangpatalged iti ibagbagana a panangraut, panangusar iti pisikal a puersa, panangbutbuteng, panangbusor, panagsukir, kinaranggas, ken pangta.
Kasaritanto ni Marcos ni Trump maipanggep kadagiti annuroten ti US a makaapektar iti PH
Innayon ti QCPO a ti video footage nga indatag ni Villamor ti nangbalusingsing iti ibagbagana.
Naidarum ni BP Duterte ken dagiti kameng ti security details-na gapu iti napasamak a riri iti Kamara ken Veterans Memorial Medical Center (VMMC) gapu iti pannakaipupok ni Zuleika Lopez, dati a chief of staff ni BP Duterte. (Raymund Antonio/Manila Bulletin//Lito Hilidon/Bannawag)
