Adda gandat ti gobierno a mangideklarar iti national food security emergency itoy a lawas kas sungbat iti ingingina latta ti presio ti bagas iti dadduma a rehion, segun iti Department of Agriculture (DA) itay Enero 29.
Kinuna ni Francisco P. Tiu Laurel Jr., Sekretario ti DA, nga urayenna ti pammalubos ti National Price Coordinating Council (NPCC) ita a lawas para iti deklarasion a mangted iti kalintegan iti National Food Authority (NFA) a mangiruar iti lebbenda a bagas.
Iti laksid ti panagbaba ti presio ti bagas iti sangalubongan ken ti taripa, nangina latta ti bagas iti dadduma a lugar.
Kinuna ni Larry Lacson, Administrador ti NFA, a panggep ti ahensia nga iruar ti 150,000 a tonelada metrika a bagas iti las-ud ti innem a bulan, ket maipangpangruna dagiti lugar a kanginaan iti bagas.
Pastor Quiboloy, naisublin iti Pasig City Jail
Segun ken ni Laurel, panggep ti gobierno nga ipaulog ti food security emergency iti bagas inton Peb. 1, ket mairuar dagiti pagalagadan daytoy sakbay nga agleppas daytoy a bulan. (Dexter Barro II/Manila Bulletin//Lito Hilidon/Bannawag)
