Ad-adalen ti gobierno ti gakat (singasing a linteg) a mangipaay iti PhP200 nga across-the-board nga inaldaw a sueldo kadagiti empleado ti pribado a sektor, ket kunana nga agsapulda iti pamuspusan tapno maresolbar ti legal a parikut iti panangipangato iti sueldo.
Daytoy ti kinuna ni Presidente Ferdinand Marcos Jr. kalpasan a kiniddaw dagiti mammanday-linteg a pasingkedanna ti singasing nga across-the-board a pannakaingato ti sueldo dagiti mangmangged iti pribado a sektor.
Iti maysa nga interbiu ita nga aldaw, Enero 31, kinuna ni Presidente Marcos nga anamonganna ti mailunglungalong a linteg, ket masapul a maamiris a nalaing daytoy tapno matulongan dagiti gagangay nga umili.
Nupay anamongan ni Marcos ti pannakaingato ti sueldo, dinakamatna ti pakaseknan dagiti adda iti micro, small, and medium enterprises (MSMEs) ken no kasano nga apektaran daytoy dagiti presio dagiti kangrunaan a tagilako.
Pastor Quiboloy, naisublin iti Pasig City Jail
Itay Enero 30, inaprobaran ti House Committee on Labor and Employment daytoy a singasing. (Argyll Cyrus Geducos/Manila Bulletin//Lito Hilidon/Bannawag)
