February 14, 2025

Home DAMDAMAG Nasional

Departamento ti Agrikultura, mangideklarar iti food security emergency inton umay a lawas

Departamento ti Agrikultura, mangideklarar iti food security emergency inton umay a lawas

Gandat ti Department of Agriculture (DA) nga ideklarar ti food security emergency para iti bagas inton Pebrero 4, gapu iti agtultuloy nga ingingina ti bagas.

Naawaten ni Sekretario ti DA Francisco Tiu Laurel ita nga aldaw, Enero 31, ti resolusion manipud iti National Price Coordinating Council’s (NPCC) a nangirekomendar iti pannakaideklarar ti food security emergency.

Kinuna ni Laurel a mabalinen a rugian ti National Food Authority’s (NFA) ti pannakaiwaras dagiti lebbenna a bagas inton Mierkoles (Peb. 5).

Innayon ni Laurel a kaumannanto dagiti kameng ti NFA, Food Terminal Inc. (FTI), ken Kadiwa ng Pangulo (KNP) tapno pagsasaritaanda ti pannakaipatungpal ti food emergency.

Nasional

Pastor Quiboloy, naisublin iti Pasig City Jail

Apaman a maideklarar ti food emergency, namnamaen ti DA nga agbalin a natalged ti presio ti bagas iti merkado ta aglako ti NFA iti bagas kadagiti pagtagilakuan ti KNP, local government units (LGUs), ken dadduma pay nga ahensia. (Dexter Barro II/Manila Bulletin//Lito Hilidon/Bannawag)