Tumulong ti Department of Information and Communications Technology (DICT) iti Ti Department of Information and Communications Technology (DICT) ket tumulong iti Commission on Elections (Comelec) a mangsaranget kadagiti deepfake ken disinformation iti umay nga eleksion, kinuna ni Sekretario ti DICT Ivan John Uy.
Kiniddaw ti Comelec ti tulong ti DICT a mangduktal kadagiti pangta iti internet, ken mangisuro iti publiko no kasano nga ilasin ti palso nga impormasion ken deepfake a mabalin a mangdadael iti kinatarnaw ti proseso ti eleksion.
Iti maysa nga interbiu itay Enero 30, kinuna ni Uy nga agpannurayda iti bilin ti Comelec apaman a malasinda ti pangta iti internet a nasken a mataming.
Panggep ti Comelec a salakniban ti kredibilidad ti eleksion, a pakairamanan ti pannakaiwayat ti nainget a pagannurotan ti cybersecurity tapno malapdan ti pannakasinga ti digital a sistema.
Ti panagwaras ti deepfake ken disinformation ti nagbalin a pakaseknan kadagiti napalabas nga eleksion iti sangalubongan, a naglaon kadagiti namanipular nga impormasion a mangallilaw kadagiti botante ken mangperdi kadagiti kandidato. (Jel Santos/Manila Bulletin//Lito Hilidon/Bannawag)