February 14, 2025

Home DAMDAMAG Nasional

Embahada ti Filipinas, nangidiaya iti tulong iti polis a nairaman iti nagdinnungpar nga eroplano ken helikopter iti US

Embahada ti Filipinas, nangidiaya iti tulong iti polis a nairaman iti nagdinnungpar nga eroplano ken helikopter iti US
Ni Police Col. Pergentino Malabed Jr.

Nangidiaya iti tulong ti Embahada ti Filipinas iti Washington iti kabagian ni Police Col. Pergentino Malabed Jr. a nakalugan iti eroplano a dinungpar ti helikopter ti militar iti tangatang ti Potomac Tiver iti Washington D.C., Estados Unidos (US).

Kinuna ti Department of Foreign Affairs (DFA) itay Enero 31, makitintinnulongen ti ahensia iti lokal nga autoridad ket nakasaganan a tumulong iti kaasitgan a kabagian ni Malabed.

Nairaman ni Malabed iti 67 a tao a natay gapu iti panangdungpar ti US Army helicopter iti American Eagle Flight 5342 iti asideg ti Reagan Washington National Airport idi Enero 29.

Ni Malabed, hepe ti Supply Management Division ti PNP ken kameng ti Philippine National Police Academy Class of 1998, ket adda iti official travel idi napasamak ti insidente.

Nasional

Pastor Quiboloy, naisublin iti Pasig City Jail

Inyebkas ti PNP ti pannakipagriknada iti napanawan a pamilia, ay-ayaten iti biag, ken kakadua ni Malabed. (Raymund Antonio/Manila Bulletin//Lito Hilidon/Bannawag)