Ni Retired Major General Isagani Nerez ti dinutokan ni Presidente Ferdinand Marcos Jr. a kas baro a Director General ti Philippine Drug Enforcement Agency (PDEA) ita nga aldaw, Peb 4.
Kinompirmar ni Executive Secretary Lucas Bersamin ti pannakadutok ni Nerez, a simmukat ken ni outgoing PDEA director general Moro Virgilio Lazo.
Nagpaay ni Nerez a kas undersecretary for Police Affairs ken Presidential Adviser on Military and Police Affairs idi 2022.
Nagpaay ni Nerez iti nadumaduma a pagakman iti Philippine National Police, kas iti Police Anti-Crime Emergency Response, ken Directorate para iti Integrated Police Operations iti Eastern Mindanao, Special Action Force, Presidential Anti-Organized Crime Task Force, ken Anti-Kidnapping Group.
Kameng ni Nerez ti Philippine Military Academy Maharlika Class of 1984. (Betheena Unite/Manila Bulletin//Lito Hilidon/Bannawag)