Kinasarita dagiti kameng ti Public Information Bureau (PRIB) ti Senado dagiti kameng ti prensa itay Peb. 5 mainaig iti posible a panangawatda iti articles of impeachment kontra ken ni Bise Presidente (BP) Sara Duterte.
Segun daytoy iti pammilin ni Sekretario ti Senado Renato Bantug iti PRIB a pakaammuanda ti media maipapan iti detalye ti posible a pannakaiwaras ti damag ita nga aldaw.
Ita ti maudi nga aldaw a panagsesion ti Kongreso.
Idi Martes, nagkedked ni Senate President Francis "Chiz" Escudero nga agkomento maipapan iti impeachment, ket kinunana nga agsao laeng no naawaten ti Senado ti impeachment complaint.
Pastor Quiboloy, naisublin iti Pasig City Jail
Naikeddeng a makipaset ni Escudero iti Kapihan sa Senado inton Huebes.
Nupay kasta, kalpasan a nakisarita ti PRIB iti media, inlibak ni Escudero nga agsagsagana ti Senado para iti impeachment.
Ita met la nga aldaw, impalgak ni Reginald Velasco, Secretary General ti Kamara, nga adda umdas a bilang ti nagpirma a kameng ti Kamara a nangilungalong iti impeachment ni BP Duterte.
Segun ken ni Velasco, daytoy ti maikapat nga impeachment complaint a naidatag kontra iti Bise Presidente. (Dhel Nazario/Manila Bulletin//Lito Hilidon/Bannawag)
