TACLOBAN CITY – Kinuna ni House Speaker Ferdinand Martin Romualdez a makaammon dagiti senador no ituloyda wenno saan ti mangtaming iti impeachment case kontra ken ni Bise Sara Duterte.
“Makaammodan. Italekmi kadakuada ti pangngeddeng,” kinuna ni Romualdez itoy a Biernes. Peb. 7, bayat ti groundbreaking ti Benjamin Romualdez International Convention Center a mabangon iti daytoy a siudad.
Sinupiat ni Romualdez nga ar-aramiden dagiti kameng ti Kamara ti amin a pamuspusan tapno mapadaras ti panangtaming ti Senado iti indatag ti Kamara a reklamo a mangkidkiddaw iti pannakapatapuak ni Sara Duterte a kas bise presidente.
Naipanagan iti pimmusay nga amana, naponduan ti ag-P750-milion a Benjamin Romualdez International Convention Center iti babaen ti General Appropriations Act 2024 ken nabingay iti dua a paset ken yimplementar ti Department of Public Works and Highways-Regional Office 8 (Eastern Visayas).
'GUMIL Dan-ay 2: Aldaw ti Daniw Kailokuan,' angayen ti GUMIL Filipinas
Sakbay ti pormal a pannakairubuat ti pannakabangon ti convention center, inatendaran ni Romualdez ti Tingog party-list summit a naangay iti Palo, Leyte. (Marie Tonette Marticio/ Manila Bulletin)
