Impaulog ti Pasig City Regional Trial Court (RTC) ti pammilin a maisubli ni Pastor ti Kingdom of Jesus Christ (KOJC) Apollo Quiboloy iti Pasig City Jail inton Peb. 12, kalpasan a mayospital idi Enero.
Segun ken ni Israelito Torreon, abogado ni Quiboloy, saanda a naragsak iti naipaulog a bilin idinto nga adda pay ipilada a mosion maibatay iti kasasaad ni Quiboloy.
Idi Enero 18, naipan iti ospital ni Quiboloy babaen ti rekomendasion ti doktor ti Bureau of Jail Management and Penology (BJMP) ta marigatan nga umanges iti nakaipupokanna a Pasig City Jail Male Dormitory.
Imbalakad ti doktor ti ospital nga immakaran ni Quiboloy a masapul a mayakar daytoy iti sabali nga ospital ta kurang ti ramitda, kalpasan a natakuatanda nga adda community-acquired pneumonia ni Quiboloy.
Polis a wanted iti panagrames, natiliw kalpasan ti ilalasatna iti EDSA busway
Naidarum ni Quiboloy iti Filipinas iti di mapiansaan a kaso a qualified human trafficking ken child abuse; idinto nga adda pay kasona a sex trafficking by force, fraud, ken coercion; conspiracy; ken bulk cash smuggling iti Estados Unidos. (Richielyn Canlas/Manila Bulletin//Lito Hilidon/Bannawag)
