Ti nagan ken pirma ni Diputado Sandro Marcos (Ilocos Norte 1st district) ti umuna iti listaan ti 215 a diputado a nagpirma iti impeachment complaint a maibusor ken ni Bise Presidente Sara Duterte itay Peb. 5.
Iti biang ti anak ti Presidente a ni Dip. Sandro Marcos, saan koma a pakasdaawan dagiti Filipino no isu ti immuna a nagpirma iti impeachment complaint kontra iti Bise Presidente.
"Apay a diak agpirma, no isu ti nangibaga nga ipakalina ti bangkay ni lilongko sa ibellengna iti WPS, sa kinunana pay a kayatna a patayen ti Presidente ken ti First Lady a dadakkelko, agraman ti House Speaker, saanen a pakasdaawan ti publiko a siak ti umuna a nagpirma," kinuna ni Dip. Marcos.
Ngem inlawlawag ni Dip. Marcos a nupay isu ti immuna a nagpirma iti impeachment complaint, saanna nga indauluan ti pannakaidatag ti maikapat nga impeachment complaint, ket dina met inallukoy ti asino man a diputado nga agpirma iti impeachment complaint, ket innayonna a nagpirma dagiti diputado iti bukodda a pagayatan. (Ellson Quismorio/Manila Bulletin//Lito Hilidon/Bannawag)
