Maysa a non-government organization (NGO) a kaaliado dagiti Duterte, ti mangidatag inton Lunes, Peb. 10, iti kaso a falsification of public documents a maibusor ken ni House Speaker Martin Romualdez ken dadduma pay a kameng ti Kamara gapu iti maipagarup a panangisengngatda iti bilion ti gatadna a pondo iti 2025 national budget.
Da Jimmy Bondoc (kandidato para senador) ken Diputado Pantaleon Alvarez (Davao del Norte 1st District), agraman ti grupo a Citizens Crime Watch (CCW) ti mangipila iti kaso kontra kada Romualdez, dati a daulo ti House Appropriations Committee Zaldy Co, ken Majority Leader Mannix Dalipe ti mangipila iti darum iti Quezon City Prosecutor's Office.
Kinuna ti abogado dagiti nangidarum a ni Ferdinand Topacio, naipila ti darum gapu iti kellaat a pannakaisengngat ti PhP214-bilion ti gatadna a pondo iti 2025 General Appropriations Act.
Ni Topacio ket tulongan ni abogado a Raul Lambino, maysa pay a kandidato para senador iti sidong ti PDP-Laban a nga idadauluan ni dati a presidente Rodrigo Duterte.
Kinuna ni Presidente ti CCW Diego Magpantay a saan a napolitikaan daytoy a tignayda, ta idardarumda uray asino nga opisial ti gobierno, iti oposision man wenno administrasion.
Singasing a virtual participation iti impeachment trial, sesion ti Senado, saan nga agballigi -- Sen. Lacson
Naisayangkat ti pannakaipila ti kaso tallo nga aldaw kalpasan nga impaulog ti Kamara ti impeachment complaint kontra ken ni Bise Presidente Sara Duterte. (Joseph Pedrajas/Manila Bulletin//Lito Hilidon/Bannawag)
