Sinupiat ni House Deputy Majority Leader ken Diputado ti La Union 1st district Paolo Ortega itay Peb. 7 ti kinuna ni Bise Presidente Sara Duterte a nasaysayaat ti biag iti sidong ti administrasion ti amana a ni dati a presidente Rodrigo Duterte.
Segun ken ni Diputado Ortega, naisina iti realidad ti Bise Presidente ket mangparparnuay iti ulbod a sarita iti press conference nga inangay ni BP Duterte.
Kinuna ni Ortega nga agbibiag ni BP Duterte iti sabali a dimension, ta saan a nasaysayaat ti biag dagiti Filipino idi panawen ni Rodrigo Duterte.
Kinuna ni Ortega nga iti sidong ti administrasion ni Presidente Marcos, sumaysayaat ti ekonomia, bumabbaba ti implasion, ken agtultuloy ti panangsuportar dagiti sabali a pagilian iti Filipinas.
Polis a wanted iti panagrames, natiliw kalpasan ti ilalasatna iti EDSA busway
Dinakamat ni Ortega ti naaramidan ti administrasion ni Marcos iti ekonomia, agraman agtultuloy a panagrang-ay ti gross domestic product (GDP), record-high foreign investments ken nasaknap a programa para kadagiti ordinario a Filipino.
Kinuna ni Ortega nga adu ti imbati ti administrasion ni Duterte a parikut iti ekonomia, agraman ti nakadakdakkel nga utang ti gobierno, pannakasinga dagiti suplay, ken mapagduaduaan a panaggasotos idi panawen ti angol.
Innayon ni Ortega nga inaramat laeng ni BP Duterte ti press conference tapno tagibassitenna ti kaso nga impeachment ket yadayona ti atension manipud kadagiti nadagsen nga akusasion a maibusor kenkuana. (Joseph Pedrajas/Manila Bulletin//Lito Hilidon/Bannawag)
