Di nababbaba ngem iti 131 nga Overseas Filipino Workers (OFWs) iti Lebanon ti manamnama a sumangpet iti Filipinas ita a lawas kas paset ti maar-aramid a repatriation program ti gobierno, segun iti Department of Migrant Workers (DMW) ita nga aldaw, Peb. 10.
Maibatay iti tulag ti repatriation program, kinuna ni Sekretario ti DMW Hans Leo Cacdac a manamnama a sumangpet dagiti OFW iti dua a grupo - 52 nga OFW nga addaan maysa a dependent ti agawid inton Peb. 10 ken 79 nga OFW nga addaan iti walo a dependent ti agawid inton Peb. 11.
Kinuna ni Cacdac a paset daytoy ti insayangkat ti gobierno a mangpasubli kadagiti OFW nga inapektaran ti riribuk iti Middle East, a kaadduan kadakuada ket adda iti Beirut nga ay-aywanan ti DMW ken Overseas Workers Welfare Administration (OWWA).
Kinuna ni Cacdac a makaawat dagiti agawid nga OFW iti tulong-pinansial, tulong iti eropuerto, livelihood assistance, panangsanay, ken amin a kasapulanda a tulong manipud iti gobierno. (Aaron Recuenco/Manila Bulletin//Lito Hilidon/Bannawag)
