Ipakaammo ti Gunglo Dagiti Mannurat nga Ilokano iti Filipinas (GUMIL Filipinas) nga agawaten daytoy iti nominasion para iti Pammadayaw Pedro Bucaneg (Pedro Bucaneg Award), Pammadayaw Leona Florentino (Leona Florentino Award), ken Pammadayaw Pamulinawen (Pamulinawen Award) para iti Tawen 2025.
Ti Pedro Bucaneg Award ti kangatuan a pammadayaw nga ipapaay ti GUMIL Filipinas kadagiti sibibiag a lallaki a mannurat nga Ilokano a nakaipaay iti naisangsangayan a gapuanan--sinurat wenno tignay--iti pannakapadur-as ti Literatura Ilokana. Ti met Leona Florentino Award ti katukad daytoy para kadagiti babbai a mannurat. Ti Pamulinawen Award ti maipaay met kadagiti mannurat a pimmusayen.
Amin a nominasion, masapul a maidatag babaen ti e-mail iti saan a naladladaw ngem Marso 31, 2025. Iturong dagiti nominasion iti GF Awards Secretariat babaen ken ni Sekretario Heneral Neyo E. Valdez iti [email protected]
Para iti dadduma pay a detalye maipapan kadagiti pammadayaw ti GUMIL Filipinas ken iti nominasion, katiken daytoy a link: https://surl.li/rqijlf (GF Awards Secretariat)
