Dinutokan ni Presidente Ferdinand Marcos Jr. kas Ad Interim Commissioner ti Commission on Elections (Comelec) ni Maria Norina Tangaro-Casingal ita nga aldaw, Peb. 10.

Sinukatan ni Casingal ti nagretiron a commissioner ti Comelec a ni Socorro Inting kalpasan ti pito a tawen a terminona.

Nagpaay ni Casingal a kas director ti Legal Department ti Comelec sakbay ti pannakadutokna.

Kinuna ni George Erwin Garcia, Chairman ti Comelec, agbalin ni Casingal a kameng ti First Division, a kadua da presiding Commissioner Aimee Ferolino ken Commissioner Ernesto Maceda (kameng).

Nasional

Polis a wanted iti panagrames, natiliw kalpasan ti ilalasatna iti EDSA busway

Agpaut ti termino ni Casingal agingga iti Pebrero 2032. (Ferdinand Patinio/PNA//Lito Hilidon/Bannawag)