PINILI, ILOCOS NORTE. Sumagmamano kadagiti kameng ti The Timpuyog Group iti daytoy nga ili iti panangrambakda iti anibersario ti grupoda (akinngato a ladawan). Kas paset ti selebrasion (akimbaba a ladawan), nagibunongda kadagiti sandal iti sumagmamano a barangay ti ilida: Valbuena, Badio, Puritac, Dalayap, Cabaroan, Sto Tomas, Aglipay, Tartarabang, Upon, Salanap, Gulpeng, ken Buanga. Grupo dagiti agbabarkada a senior citizen itoy nga ili ti The Timpuyog Group a ti panggepna, isu ti panagsisinnaranayda nga aggagayyem ken panangsaranayda met kadagiti agkasapulan a kakailianda. Timmulong a nagibunong kadagiti sandal da Nenita Gajes, Elizabeth Pahinag, Imelda Gajelonia, Elson Castillo, Aida Zafaralla, ken Elma Oasay. Timmulong a nangpataud iti pondo a naigatang kadagiti naibunong da Venchita Javier, Imelda Pascua Fernandez, Luis Dacanay, Mercy Magaoay, Mr. ken Mrs. Rolando Tacub, Pablito Pascua, Butch Dapa, Albert Pagala, ken Gloria Rambaud-Balallo (kabsat ni Rosita Rambaud-Vitin, pimmusay a kameng ti gunglo. Idauluan da Rex Soriano (presidente) ken Elson Castillo (bise presidente) ti The Timpuyog Group. (Teksto: Carlina Salvante Estavillo)/ (Bannawag, Pebrero 16-28, 2025 a bilang)
