"Tokhang-style" a panagkampania ti usaren ni reeleksionista a Senador Ronald “Bato” Dela Rosa iti las-ud campaign period ti Midterm Elections a maangay inton Mayo 2025.
Daytoy ti kinuna ni Dela Rosa a dati a hepe ti Philippine National Police (PNP) ken nangipatungpal iti kontrobersial a kampania kontra iti droga ti napalabas nga administrasion.
Inlawlawag ni Dela Rosa itay Peb. 11 a gandatna ti mamalbalay tapno sumayaat ti ranggona kadagiti senatorial survey, nupay ammona a saan a bomotos kenkuana dagiti di mangayat iti "tokhang."
Limmatak ti sao a "tokhang" idi kangitingitan ti kampania kontra iti droga a naiwayat bayat ti panagakem ni Rodrigo Duterte a presidente.
Polis a wanted iti panagrames, natiliw kalpasan ti ilalasatna iti EDSA busway
Kinuna ni Dela Rosa a dumar-ayto ni dati a Presidente Duterte iti proclamation rally ti grupo a maangay iti Club Filipino iti San Juan inton Peb. 13. (Hannah L. Torregoza/Manila Bulletin//Lito Hilidon/Bannawag)
