SANTOL, La Union – Indauluan ni Sen. Imee R. Marcos ti pormal a pannakalukat iti napalabas nga Aldaw Dagiti Puso ti kaar-aramid a 50-metro a rangtay iti Santol-San Gabriel (La Union)-Kapangan (Benguet) Road iti Barangay Mangaan iti daytoy nga ili.
Mapan a P118.8-milion ti nagasto iti pannakaaramid ti rangtay nga addaan iti tallo nga span a 15 a metro, 20 a metro, ken 15 a metro, a sinuportaran ti dua a pier (adigi) ken dua nga abutment (pagsadagan ti agsumbangir a paset ti rangtay).
Nakongkreto met ti ag-52.40 metro a kalsada iti maysa a sungadan, ken ti ag-83.40 a metro a kalsada iti sabali pay a sungadan ti rangtay.
Manamnama ti ad-adda pay a pannakapasantak ti panagrang-ay ti rehion babaen ti pannakayababa ti biahe iti nagbaetan dagiti ili ti Santol ken San Gabriel iti La Union, malaksid ti akem ti rangtay iti pannakapapigsa ti negosio ti nagbaetan ti Ilocos Region ken Cordillera Administrative Region.
Maipadpadamag a 'kumaw' iti Nueva Vizcaya, 'fake news,' segun iti PNP
Dinar-ayan ni Santol Mayor Magno A. Wailan ken dagiti dadduma pay nga opisial lokal ti ili ti nasao nga inaugurasion.
Ti Department of Public Works and Highways-Ilocos nga idauluan ni Director Ronnel M. Tan ti nangaramid iti nasao rangtay. (Liezle Basa Iñigo/ Manila Bulletin)
