Marigatan dagiti autoridad a mangparmek kadagiti online scam gapu iti maipagarup a parikut iti SIM Registration Act iti laksid ti agtultuloy a panangraraut dagiti autoridad kadagiti maipagarup nga scammer, segun iti Presidential Anti-Organized Crime Commission (PAOCC).
Iti maysa a media forum idi Peb. 15, kinuna ni Gilbert Cruz, Executive Director Undersecretary ti PAOCC, a nagbalinen ti Filipinas a sentro dagiti cyber scams, nangruna kadagiti romance scam ken financial fraud.
Dinakamat ni Cruz ti report ti credit rating firm a Moody's nga umad-adu dagiti Filipino a naigamer iti romance scam.
Ti Filipinas ti maikapito iti sangalubongan nga addaan iti kangatuan a bilang ti entidad wenno tao nga addaan iti posible a pannakainaig kadagiti romance scam.
China, inlibakna a nagkiddaw ni Duterte iti asylum
Segun ken ni Cruz, maysa kadagiti parikut ti SIM Registration Act ti pannakabael dagiti tattao nga agrehistro babaen ti panagaramatda iti parbo nga impormasion, kas iti nagan, address, ken ladawan. (Argyll Cyrus Geducos/Manila Bulletin//Lito Hilidon/Bannawag)
