March 25, 2025

Home DAMDAMAG Nasional

Dati nga ABS-CBN reporter, agpaay a daulo ti PCO

Dati nga ABS-CBN reporter, agpaay a daulo ti PCO

Ni Jay Ruiz, dati a reporter ti ABS-CBN, ti natudingan a baro a daulo ti Presidential Communications Office (PCO) kalpasan ti panaglusulos ni beterano a brodkaster a Cesar Chavez.

Kinuna ni Chavez ita nga aldaw, Peb. 20, nga indatagna ti irrevocable resignation-na idi Peb. 8., gapu ta saanna a natungpal ti manamnama kenkuana. Agepekto ti panaglususosna iti Peb. 28.

Segun ken ni Chavez, yam-ammona ni Ruiz iti PCO inton Peb. 24 tapno marugianen ti transision ket nakasaganan ti baro a hepe ti PCO inton Marso 1.

Kinuna ni Chavez a nupay naglusulos, agtultuloy latta ti panangsuportarna iti administrasion ni Marcos, ket pagyamananna ti panagtalek ken gundaway nga impaay ti Presidente kenkuana.

Nasional

Polis a wanted iti panagrames, natiliw kalpasan ti ilalasatna iti EDSA busway

Batido a brodkaster ni Ruiz a tubo ti Ilocos Norte. Nagpaay a TV reporter ti ABS-CBN sakbay ti panagretirona idi 2016.

Ti amana, ni Alfonso "Chito" Ruiz, ket dati a mayor ti Sarrat, Ilocos Norte, maysa kadagiti kabayagan a nagpaay a mayor iti pagilian. (Argyll Cyrus Geducos/Manila Bulletin//Lito Hilidon/Bannawag)