Inlawlawag ni Senate President Francis "Chiz" Escudero itay Pebrero 23 a saan a mabalin a mangisayangkat ti Senado ti special session a bukbukodna, kas sungbat iti kinuna ni Senate Minority Leader Aquilino "Koko" Pimentel III a mabalin a mangayab ti Senado iti special session tapno tamingenda ti impeachment complaint kontra ken ni Bise Presidente Sara Duterte.
Impaganetget ni Escudero a saanda a marugian ti impeachment trial wenno agummong a kas maysa nga impeachment court ta saan a nakasesion ti Kongreso, kas iti napasamak iti impeachment trial daydi dati a Chief Justice Renato Corona, a nakasesion ti Senado ngem saanda a nagpaay a kas impeachment court agingga a di nalpas ti Christmas break.
Dinakamat met ni Escudero ti napasamak iti impeachment case ni Merceditas Gutierrez nga adda laengen tallo nga aldaw a sesion ti Senado, ket nagummongda laeng kalpasan ti recess (wenno maysa ket kagudua a bulan kalpasanna).
Kinuna ni Escudero a rugian ti Senado ti proseso ti impeachment inton Hunio 2, apaman nga agsubli ti sesion.
Polis a wanted iti panagrames, natiliw kalpasan ti ilalasatna iti EDSA busway
Segun ken ni dati a Senate President Franklin M. Drilon, ti Presidente ti laeng ti addaan pannakabalin a mangayab iti Kongreso a mangangay iti special session, ta no awan daytoy, saanda a mabalin a tamingen ti impeachment complaint ni BP Duterte. (Dhel Nazario/Manila Bulletin//Lito Hilidon/Bannawag)
