Lima nga aldaw pay a pawayway ti kiniddaw ti Office of the Solicitor General (OSG) iti Korte Suprema (SC) tapno idatagda ti sungbatda iti petision a nangkuestionar iti konstitusionalidad ti 2025 national budget iti sidong ti Republic Act No. 12116, wenno ti 2025 General Appropriations Act (GAA).
Idi Pebrero 4, kiniddaw ti SC iti Kamara, Senado, ken ti Office of the Executive Secretary - a respondent iti nasao a petision - nga itedda ti orihinal a kopia ti 2025 General Appropriations Bill (GAB) ken ti 2025 General Appropriations Enrolled Bill (GAEB) inton Pebrero 24.
Kinuna ni Solicitor General Menardo I. Guevarra itay Pebrero 23 nga itedda ti orihinal a kopia ti GAB ken GAEB ita nga aldaw (Pebrero 24), ngem nagkiddawda iti 5-aldaw a pawayway a mangidatag iti sungbatda.
Segun ken ni Guevarra, nupay nalpasen ti draft ti nadakamat a komento, ngem masapul a marebisar wenno maatur pay daytoy sakbay a maidatag iti SC.
Polis a wanted iti panagrames, natiliw kalpasan ti ilalasatna iti EDSA busway
Naipila ti motion for extension idi Pebrero 21, ngem saan pay a nalawag no pinatgan ti Korte Suprema daytoy. (Rey G. Panaligan/MAnila Bulletin//Lito Hilidon/Bannawag)
