Nagsapata ti beterano a periodista a ni Jay Ruiz a kas Ad Interim a Sekretario ti Presidential Communications Office (PCO) iti Malakanyang ita nga aldaw, Pebrero 24.
Iti panagrugi ti panagakemna a kas temporario a daulo ti PCO a simmukat ken ni Cesar Chavez, inkari ni Ruiz a parmekenna ti di umisu nga impormasion ken fakenews, nga ibilangna a dakkel a karit a sangsanguen ti administrasion ni Marcos.
Segun ken ni Ruiz, masapul a sanguen ti PCO ti parikut a panagadu dagiti awan pammaneknekna a pammabasol, tapno masigurado nga umisu ti impormasion ti maidanon kadagiti Filipino.
Kinuna ni Ruiz a dakkel ti maitulong dagiti amin a vlogger ken content creator iti daytoy a panggep ti PCO, ken kiniddawna a salimetmetanda koma ti kinapudnoda ti trabahoda.
Pakaisukatan ti Doliar iti Pisos iti Marso 25, 2025
Iti sabali a bangir, nagyaman ni Ruiz iti panangiwanwan kenkuana ni Chavez iti akemna ken dagiti nasken nga aramidenna iti PCO. (Argyll Cyrus Geducos/Manila Bulletin//Lito Hilidon/Bannawag)
