Manamnama a tamingen ti Korte Suprema (SC) inton Pebrero 25 ti petision nga indatag ni Bise Presidente (BP) Sara Duterte a nangkiddaw iti pannakawaswas, gapu iti maipagarup a panaglabsing iti konstitusion, ti impeachment complaint nga impila ti Kamara a maibusor kenkuana.
Naripa ita nga aldaw, Pebrero 24, tapno maammuan no asino ti mangiggem iti petision nga impila ni BP Duterte idi Pebrero 18.
Mairaman kadagiti tamingen ti Korte Suprema iti full court session ti petision nga impila met dagiti abogado ken umili ti Mindanao kontra iti impeachment a kinunada a "null and void."
Mabalin a kiddawen ti SC ti panagkomento ti Kamara ken Senado, kas respondent iti dua a petision. Mabalin met a pagtiponen ti SC ti dua a petision iti maysa pay a petision a nagkiddaw iti pannakadagdag ti Senado a mangirugi iti impeachment trial ti Bise Presidente.
Polis a wanted iti panagrames, natiliw kalpasan ti ilalasatna iti EDSA busway
Patien dagiti grupo nga eksperto iti linteg a saan a mabalin a mangisayangkat ti Korte Suprema iti oral arguments kadagiti petision mainaig iti impeachment. (Rey G. Panaligan/Manila Bulletin//Lito Hilidon/Bannawag)
