Binabalaw ti grupo dagiti mangngalap ti panggep ti Department of Agriculture (DA) nga agangkat iti 25,000 tonelada metrika nga ikan, a namakdaar iti makadangran nga epekto daytoy kadagiti lokal a mangngalap.
Itay kallabes, inaprobaran ti DA ti panagangkat iti 25,000 a tonelada metrika a frozen a nadumaduma nga ikan ken produkto ti baybay tapno agtalinaed a natalged ti suplay ti taraon ken malapdan ti ingingina daytoy.
Segun iti Memorandum Order No. 12 a pinirmaan ni Sekretario ti DA Francisco Tiu Laurel Jr., mapalubosan ti panagnagangkat manipud Marso 1 agingga iti Mayo 30.
Iti laksid ti palawag ti DA, kinuna ti grupo a Pambansang Lakas ng Kilusang Mamamalakaya ng Pilipinas (Pamalakaya) a ti importasion ti mangpalaka iti presio ti ikan iti pagilian, a lallalo a mangimameg iti nailumlomen a lokal nga industria ti panagkalap.
Dip. Paolo Duterte, napalubosan nga agbiahe iti 17 a pagilian
Segun ken ni Fernando Hicap, daulo ti Pamalakaya, saan a palakaen ti importasion ti presio ti ikan, ta dagiti pribado a negosiante ti mangtengtengngel iti merkado.
Kinuna ti Pamalakaya nga iti babaen ti administrasion ni Presidente Marcos, nasuroken a 80,000 a tonelada metrika nga ikan ti inangkat ti DA, kangrunaan ti galunggong. (Jel Santos/Manila Bulletin//Lito Hilidon/Bannawag)
