Itantandudo ni agngayangay a senador Camille Villar ti pannakapamoderno ti agri-business ken ti pannakapataud ti ad-adu pay a panggedan kadagiti probinsia, tapno agbalin a naganar ti panagtalon, maaddaan iti kabaruanan a teknolohia, ken industria a mangparang-ay kadagiti mannalon a Filipino.
"Ti agrikultura ti sadiri ti ekonomiatayo, ngem adu pay laeng dagiti mannalon a bassit ti matgedanda ken kadaanan pay laeng ti wagas ti panagtalonda. Masapul nga agbalin a moderno ti agri-business, agpuonan iti teknolohia, ken mangpataud iti ad-adu pay a trabaho kadagiti probinsia tapno maital-o ti biag dagiti komunidad dagiti mannalon," kinuna ni Villar idi nagkampania iti Nueva Ecija.
No mapagasatan, ilungalong ni Villar dagitoy:
•tInobasion iti teknolohia iti agrikultura ken mekanisasion tapno mapaadu ti apit
Polis a wanted iti panagrames, natiliw kalpasan ti ilalasatna iti EDSA busway
•tNababa nga interes ti pautang ken direkta nga iseserrek dagiti babassit a mannalon iti merkado
•tNatibtibker nga impraestruktura manipud kadagiti talon agturong iti merkado ken pannakaipakat ti digital platform
•tPanangpasaknap iti agri-processing, eco-tourism, ken kooperatiba
•tPannakairaman dagiti agtutubo ken babbai iti agri-business
Impaganetgetna a ti panangpataud iti trabaho kadagiti probinsia ti tulbek tapno maksayan ti kinapanglaw ken makissayan dagiti tao nga agnaed kadagiti siudad, a mangipasigurado iti panagrang-ay dagiti pamilia iti bukodda a komunidad.
"Babaen ti panagpuonan iti moderno a panagtalon, digital nga agrikultura, ken industria iti probinsia, mabalintayo a pabilegen dagiti mannalon, padur-asen ti ekonomia, ken pagbalinen ti agrikultura a narang-ay nga industria," innayon ni Villar.
