Saan a mairaman iti global foreign aid freeze ti dadduma a paset ti pinansial a tulong nga ipapaay ti Estados Unidos (US) iti Filipinas, segun iti Department of Foreign Affairs (DFA).
Pinatalgedan ni Ma. Teresita Daza, pannakangiwat ti DFA, a napakaammuan ti Filipinas mainaig iti pannakailaksid ti maysa a paset ti tulong militar ti US a para iti Filipinas.
Kinuna ni Daza a nagkumit dagiti dua a pagilian iti treaty alliance ken kadagiti gandat a mangpatibker iti panagkadua ken panagtinnulong iti depensa.
Innayon ni Daza nga agtultuloy ti pannakisarita ti Filipinas iti gobierno ti US iti pateg ti panangsuportar iti agpada a panggep ken prioridad dagiti dua a pagilian.
Polis a wanted iti panagrames, natiliw kalpasan ti ilalasatna iti EDSA busway
Apaman a nagakem a Presidente ti US ni Donald Trump, imbilinna ti pannakaipasardeng ti pannakaipaay ti tulong kadagiti sabali a pagilian, ngem nangiruar iti bilin a nangilaksid kadagiti tulong militar ken tulong a pangispal iti biag. (Betheena Unite/Manila Bulletin//Lito Hilidon/Bannawag)
