Maipababa ti maximum suggested retail price (MSRP) ti imported a bagas manipud ₱52 tunggal kilo, agbalin a ₱49 tunggal kilo mangrugi inton Marso, kinuna ni Sekretario ti Department of Agriculture (DA) Francisco Tiu Laurel.
Daytoy ti umuna a gundaway a bumaba iti ₱50 ti MSRP, a maipatungpal inton Marso 1.
Inlawlawag ni Laurel a saan pay nga entero a pagilian ti sakupen ti naikeddeng nga MSRP, ipatungpalda daytoy iti sumagmamanno laeng a lugar kas iti Metro Manila, ken dagiti kangrunaan a siudad.
Agtalinaed a nangina ti bagas iti pagilian iti laksid ti panagbaba ti presio iti sangalubongan a merkado ken pannakaipababa iti taripa iti 15 a porsiento idi napan a tawen.
China, inlibakna a nagkiddaw ni Duterte iti asylum
Impaganetget ni Laurel a ti in-inut a panagbalbaliw ti mangipalubos kadagiti aglaklako a “mangibus kadagiti nanginngina nga stock-da ken mangbaliw manen iti kontrata kadagiti suplayerda." (Dexter Barro II/Manila Bulletin//Lito Hilidon/Bannawag)
